2014年7月27日 星期日

香港週末遊之全新概念。全新玩法


打工仔最期待既,莫過於星期六日既假期,捱左一星期終於可以放鬆抖下。

問題又黎嘞!個個星期都係個幾味:睇戲、行街、食飯又或者而家好受歡迎既高茶等等。可惜個腦細胞已經係前五日被遭殃到再諗唔到週末可以點過之餘,又唔想再 翻抄同反覆進行如此高消費既活動,大家不防試下以下幾樣無無聊聊,適合一家大細、男女朋友又或者獨行俠既「全新玩法」。 

1. 世界之最香港版 - 尋找香港之最
你可能知道香港最高點係大帽山,咁最低點又係邊?而香港既最東、南、西、北點係邊?邊度係香港體積最大金色玻璃幕牆既建築物?搵完答案之後,大家不防係週末 親身探訪香港之最,影下相,好快就一日,最重要或者可以唔使下下同人迫個幾個自由行集中勝地,又可以了解香港更多。(上網其實好易搵到香港之最方面既資)


2. 問題天天都多
到底你有幾了解香港,不如睇下知唔知以下幾條問題既答案係咩,就知自己了唔了解。
a. 當平時俾車行既馬路變左做行人專用區時,俾車睇同行人睇既紅綠燈仲會唔會轉燈?
b. 港島電車同屯門區、元朗區既輕鐵駛到終點站時,係會將車尾變成車頭咁重新開車定係會有幾他方法?
c. 到底港鐵既所有訖站再前進既話係邊個地方?
d. 你知唔知以自己屋企為中心,分別向東、南、西、北出發,最盡可以行到邊(定係無盡頭)
你可能會話:車!上網一搵就搵到啦! / DCommon sense啦!
係丫!好多野都可以上網去搵答案,但當有問題時,點解唔先自己親身去尋幽探勝一番先呢?!希望大家可以用自己對眼去了解世界更多,而唔係別人對眼、網站既資料庫。


3. 細數香港街道
其實香港每條街道都有唔同既特色,但平時絕對唔會逐條街慢慢睇。試下每次搵一個地方,逐條街睇下,無盡頭地亂行一通,探入發掘,不失為一個另類既行街方法。
或者你會覺得以上幾項都確實幾無聊,但諗深一層,你會想去外國旅行,了解當地文化多一點。但作為自己家園既香港,你有無試過去了解呢一地方多一點?係德國 時,我曾經被一個德國人問:「香港咁細,你去哂香港各個地方未?」佢咁問,係因為佢想先踏足自己家園既所有地方,繼而再向其他國家進發。皆因佢認為,咁先 可以係旅途上清楚地向其他國家既人介紹德國。

個刻,我當頭棒喝。

U Blog 窮看世界。噢耶!

沒有留言:

張貼留言