2015年5月25日 星期一

香港人人,真係有得揀?

香港人要一個長假期,所謂既長假期我指既係用月數做單位,得!辭職囉,拿,我唔排除有小部份人士可以,但有幾多成就唔知。

早前係克羅地亞識到個加拿大佬,我問佢玩左幾耐,佢話已經四個幾月,今鋪會玩半年。我即刻問到:So you will find the job again after going back to Canada?

點知佢竟然答我:No, I have a job now, I am police official. I just applied for 6 months holiday and after that I will back to work.

頂,即時眼都突埋,佢仲話試過請一年假去玩,前提係NO PAID。

你試下同香港既老闆咁講,我想請半年NO PAID去遊世界,番黎再做,你估你老細會點答你丫拿。

再講明,我知係唔係個個國家份份工都可以好似個加拿大佬咁爽,但點解香港人要去一次長期既遊行都好似難過登天咁?

我知我知,要工作經驗之後搵份好工再草錢買樓丫嘛,噢,夢想的家。

無夢想同條咸魚有咩分別?
但買四幅牆真係你既夢想?
我知我知,呢個只不過係生活迫人加生活所需。

喂,好多人話香港福利好,有公屋居屋揀,綜援醫療福利,免費教育,你要數真係可以慢慢數,但有幾多真係落起香港人既袋?

輪公屋你無資格,抽居屋難過中六合彩,綜援唔到你諗,公立醫院你慢慢等下啦。喂,人生有幾多個十年,我要用幾多年先等到我想要既野?

好多人話香港社會已經被一層樓扭曲,呢個係鐵一般既事實。邊個唔想要一個安樂窩安享晚年,問題係個窩等得俾錢俾得合唔合理先?

講左咁多廢話想表達咩?無架,純粹想呻下。去旅行撞到好多只為想睇世界,草下人生練歷而辭職或者停薪又或者讀完書就出發既外國人,你話佢地無為自己將來諗個咩,唔使諗下個安樂窩咩?

只要你生活係一個商業社會,呢D都係必須要打算既事。無論係邊個國家,邊一個種族。

問題係,你會俾呢D所謂既未雨綢繆限制自己有幾多?

問心,我做唔到為一層樓只食一塊麵包,為草錢禁足自己於香港,但同時我亦會為自己未來作打算。

所有事情都必須得到一個平衡先可以長久落去,側重於任何一方都會出現反效果。結果係點?咪就係怨聲載道,民怨沸騰囉。

邊個香港人想去旅行仲攰過番工,行程由朝排到晚,但又有幾多人真係有咁多時間慢慢玩?

邊個香港人想一畢業就係為左買樓而生活,但係地產商既魔抓同政府既房屋"下策"下,你有咩選擇?

係囉,我地仲有咩選擇?

【Day 23】

我又番番去克羅地亞啦,由Mostor去Dubrovnik比較近。大概三個鐘左右車程,但已經過左三次關,因為Dubrovnik呢個地理位置比較特別,過完Croatia境再過番Bosina最後又到番Croatia。

Dubrovnik係名符其實既旅遊區,人又多,咩都貴,又係時候啃下包!(我甘願咁既情況下啃麵包)

不過呢度係靚既,仲有好多韓國大媽添。


2015年5月13日 星期三

獨自去旅行的人其實多的是

還記得第一次獨自去旅行已經是三年前,遊走歐洲一個月後回到香港,總覺得自己好像比別人看得多。畢竟,身邊沒有朋友如我這般。

三年匆匆過去,自己一人遊走於世界各地的次數不斷上升。除了已經習慣獨遊的模式外,最重要的是明白到世界之大,如自己這樣一人遊的背包客客如天上繁星,而且亦碰上不少一去便是以數月計,甚至是以年計的遊子。

他們令我這個井底之蛙終於明白到,人外有人,天外有天。對自己曾經的自豪感到慚愧。
但千萬不要去比較誰的遊歷經驗較豐富,誰去了較多的國家。始終每個人的人生路都不盡相同,而且世界的足跡是靠我們自己雙腿一步一步慢慢地走出來的。

世界之大,是要自己肯踏出第一步才會感受到。人生數十年,也許我們未能於每一個國土都留下印記,但至少我希望有生之年可能於自己能力範圍內看得更多。

自己一個人去旅行嘛,其實真的沒什麼特別。雖然我總愛遊說身邊朋友一世人總要試一次,但說真的,哪一種旅行模式最適合自己就只有當時人才知道。不要去迫人也不必勉強自己。
繼working holiday後好像轉而鼓吹"獨遊"的風氣,決定自己一個人遊走與否,不在於社會盛行什麼,而是在於自己想走什麼樣的路。
不要盲目跟隨別人的腳步。

***
Day 9
今天坐了差不多六小時車從Vienna來到了Slovenia的首都ーLjubljana。這裡的old town不太大,慢慢走的話可能半天已經行完。對我來說比較特別的是Ljubljana Castle,這裡可以俯瞰整個Ljubljana,而且城堡保存得不錯,又不用買門票,很值得去看看。

回想當初並沒有打算去這裡,但從Austria到Croatia中間會經過Slovenia,沒道理不去看一看嘛。我想這就是沒有計劃的好處,突然想到去哪就去哪。
Facebook專頁:https://www.facebook.com/backpackersopoor/